الحلقه 13
***********************
وصل مازن إلى الفيلا ومعه والده محمد
مازن : بابا أنت ناوى على ايه بكرا ان شاء الله
محمد : بعد امتحانات أختك على طول الفرح يبقى حتى فى فرصه للبنت تجهز نفسها
مازن : ليه يابابا ما تخليها الاسبوع الجاى
محمد : فرقها بسيط يا مازن انت مستعجل كدا ليه اتقل شويه
مازن : مش عارف ها أتقل لحد أمتى
محمد : ههههههه هى الفيلا هاديه كدا ليه
مازن : أكيد تلاقيهم مع سما فوق
عند سما
مروان : بنظارته الحارقه لسما عامله ايه دلوقتى
سما : الحمد لله كويسه وتنظر للأرض هروبا من نظارته لها
مازن : كنت عارف انكو هنا
محمد : ايه اللمه الحلوه دى منوارنا يا سمسمه
سما : دا نورك يا عمو الف مبروك يا مازن
مازن : شدى حيلك كدا عشان ها ترقصى معايا فى الفرح
سما بكسوف ان شاء الله
محمد : عقبالك يا سمسمه انتى ومرونا حبيبتى
مرنا ؛ حبيبى يا بابا
مروان : ان شاء الله قريب
محمد : هو ايه دا
مروان : نفرح بالبنات
مرنا : عندك عريس ليا يا مروانى
مروان : انتى تأمرى بس خلصى امتحانات الاول
مرنا : لا أعرفه الاول افرد مش عجبنى
مروان : بطلى غلبه بقى ها ابقى أقول ليكى بينى وبينك
محمد : وروقيه ….ومازن هههههه لا دا احنا عوازل بقى
مروان : يعنى
روقيه : بمكر طيب مفيش عريس لسما يا مروان عشان نفرح كلنا
مروان : لا سما عريسها موجود وبتحبه وبيحبها مش كدا يا سما
سما : ايوا طبعا
روقيه: مين يا سما
سما : حازم ابن عمى
مرنا : مين دا انتى مش بتطقيه يا سما وكنتى بتدعى الخطوبه تتفشكل قبل ما تبتدى حبتيه أمتى
سما : بإحراج هو الحب بمعاد
مروان : بشبح ابتسامه لكشف أخته سما ايوا يا مرنا هو الحب بمعاد ما تسكتى بقى
محمد : مش ناوى تنزل الشركه مع أخوك بقى تساعده
مروان : ابعدنى انا يا حج عن المواضيع دى مليش فيها
روقيه : معايا يا مرنا نحضر لبابا ومازن الأكل
محمد : ايوا انا جعان جدا وهمو جميعا بالخروج ما عدا مروان
********
فاطمه : ايه رأيك يا ماما فى الطقم دا البسو بكرا
فتحيه : جميل يا قلب أمك ها تبقى أحلى من القمر
محمود : مبروك يا عروسه
فاطمه : الله يبارك فيك يا اخويا عقبالك
محمود : قريب قوى
فتحيه : بجد يا محمود
محمود : ايوا يا أما بجد أخيرا ابويا وافق
فتحيه : على مين ليلى باردو
محمود : ايوا والله ياما دى بنت حلال وطيبه ولما تعرفيها ها تحبيها
فاطمه : ربنا يسعدك يا أخويا
محمود : يارب يا فاطمه
*******
سما : فى حاجه يا مروان
مروان : اه بس كنت عايز اخد كام حاجه كدا من الأوضه
سما : طيب أطلع برا
مروان : لا خليكى مرتاحه
سما : تحب أساعدك
مروان : بمكر ياريت ياسما
سما : محتاج ايه وانا أعملو
مروان : عايز طقم شيك قوى عشان عندى مقابله مهمه بكرا
سما : اه ايه بقى نوع المقابله
مروان : بيقرب منها قوى ليه عايزا تعرفى ليه
سما : بتوهان فى هذا المغرور ابدا بس عشان أعرف أطلع ايه
مروان : شدها من ايديها تعالى بس ووقفها قدام الدولاب وهو ساند على كتفها وبيتعمد يدايقها ويمد ايده يطلع بنطلون ايه رايك فى دا مع القميص دا
سما : بصدمه ولفت وشها لوشه أنت بتعمل فيا كدا ليه
مروان : وهو بيقرب وهى بترجع بضهرها للدولاب حتى التصقت فيه انتى إلا بتعملى فيا كدا ليه يا سما وهو مركز فى عيونها الا بتسحره وصوت أنفاسها العاليه الا بتخطفه لدنيا تانيه…… عشان عايز أقرب بتبعدى ….. ها أقولك على حاجه….. ومسك كف ايديها وحطه على قلبه حاسه بيه قلبى دا اول مره من 5 سنين ينبض كدا لا دى اول مره بحس بيه عنيف قوى كدا……. يا سما انتى بتخطفينى من العالم بتاعى كله وبتاخدينى ليكى لوحدك….. أنت السبب فى قربى ليكى مش أنا مش ها أقول انى بحبك بس ها أقول إنى بدأت أحبك وأحب وجودك فى حياتى ……
سما : أنت بتقول ايه لا يمكن وشدت اديها ابعد عنى انا وأنت ما ننفعش بعض فاهم وقولتلك وحذرتك إنك تقرب منى وان كان على قلبى فا قلبى دا انا قفلت عليه ومحدش ها يقدر يفتحه أبدا فاهم ورفعت صوبعها فى وشه بحذرك يا مروان ولاخر مره ابعد عنى
مروان : ادينى سبب للبتعمليه دا وعلى فكره بقى باين عليكى انك بتبادلينى نفس الشعور وبتموتى فيا كمان انا مش صغير فوقى دا أنا مروان ومش ها أسيبك ومش ها ابعد اه وبطلى شغل مسلسلات الهابطه بتاعك وان أنتى تبعدينى عنك عشان انا يا سما ها أعمل الا انا عايزه وشايفه صح . ..
سما : بتحدى أنت بتحلم يا مروان أنت مش ها تقدر عليا ومش ها أحبك أنسى .. .
مروان : بتحدى أكبر ها أقدر وركز فى عنيها بسمرها الا بتسحرو وبهمس يخطف أنفاسها انتى بتاعتى أنا محدش ها يقرب غيرى ومحدش ها يلمس خدودك الجميله دى غيرى ويتحسس خدودها بشافيفه وبهمس بين شافيفها أنتى بتاعتى يا سما ووأقبل فى تقبيل هذه العنيده بجداره فى وقت حطم هو كل حصونها فا هو الوحش وغرق معها هو الاخر فلا يعرف كيف يسيطر على مشاعره أمامها …
مرنا : سما ودخلت الاوضه
مروان : بعد عن سما بسرعه
سما : بإحراج وصوت مقطوع نعم يا مرنا
مروان : طيب أجى وقت تانى أخد الا انا عايزه
وخارج وخبط مرنا فى كتفها وبصوت واطى ايه الا جابك
مرنا : مروان بابا عايزك تحت وقربت منه أنت عملت ايه فى البت
مروان : اسأليها لو عملت تقولك هى
سما : اتفضلى يا مرنا
مرنا : هو انتى وشك أحمر كدا ليه
سما : بإحراج عادى يعنى يا مرنا انا كدا لما بحس بالحر
مرنا : هو مروان كان بيعمل ايه
سما :كان محتاج طقم يخرج بيه من هنا
مرنا : وانتى كنتى بتعملى ايه عند الدولاب معاه
سما : تصدقى انك رخمه انتى عايزا ايه دلوقتى زهقتينى اطلعى برا يا مرنا
مرنا : بضحك خلاص خلاص وشك جاب م
100 لون
سما : بايخه ورخمه زى أخوكى
مرنا : بغمزه دا الواد طلع خطير وانا ماعرفش عقبالى يارب فى واد مززز زيه كدا
سما : غورى يامرنا منه له
مرنا : طيب اروح أنام بقى عشان ها أفلسع بدرى
سما : فلسعى وسبينى لمصيرى
مرنا : خايفه يا بيضا
سما : جابت المخده وخبطت بيها مرنا وهى بتجرى على برا
********
كريم : هبه يا هبه
هبه : يابنى عيب على طوالك لما تنادى أمك بأسمها كدا
كريم : أهو قولتيها بالسانك طولك عايزا الطول دا كله يقول ياماما
هبه : عيب صح
كريم : ايوا عيب تعالى هنا عايزك فى موضوع سر
هبه : موضوع ايه يا منيل قول
كريم : انا عايز أتأهل
هبه : هو حد مانعك
كريم : هو انتى أمى بجد
هبه : واد أنت أتلم وقول اتلميت
كريم : اتلميت
هبه : هاااه ايه بقى انا دورى ايه
كريم : انتى كومبرس يا هبه
هبه : كومبرس فى عينك انا أخد البطوله على طول
كريم : انتى ها تنغرى فى نفسك اهدى ياما انتى عندك 54 سنه
هبه : أخرس يا واد انا عندى 40 سنه بس
كريم : ليه ان شاء الله خلفتينى وانت عندك 10 سنين دا أنتى جباره يا هبه
هبه ؛ هو انا مقولتلكش انك مش ابنى أصلا ولقيتك على باب جامع
كريم : ايوا منا عارف المهم يا هبه ها تساعدينى والا لاء
هبه : هو أنت قولت حاجه يابن المجنونه عشان اقول اه والا لاء
كريم : مانتى توهتينى أسمعى يا ستى وقص عليها كل ما قاله لمروان
هبه : أعرف رايها وبعدان افاتح ابوك
مروان : بجد يا هبه
هبه ؛ بجد يا عيون هبه
**********
محمد : مروان أنت عارف انى نفسى أفرح بيك لو فى واحده قولى وانا أخطبها لك وما تنشفش دماغك
مروان : صدقنى يا بابا لما يبقى فى بجد ها اقولك ومش ها أتردد
محمد : اوعدنى انك تفكر فى حياتك وتسيبك من افكارك الغريبه دى
مروان : أوعدك كدا مرضى
محمد : قوى كان نفسى تبقى معانا بكرا
مروان : ابقى معاكو فى الفرح بقى
طيب ها أقوم انا عشان انام زمان مازن بيقول الصبح طلع الحق انام انا بقى
مروان : اتفضل يا بابا
********
روقيه ؛ ها قولتلو زى ما قولتلك
محمد : ايوا بتخططى لأيه بقى
رقيه : قالك ايه الاول
محمد : وعدنى انه ها يفكر ويعيد حسابته
روقيه : كدا بقى الصناره غمزت
محمد : بقيتى شقيه انتى يا روقيه العيال دى بوظت أخلاقك
روقيه : هههههه إظاهر كدا و قصت عليه كل ما حدث بين مروان وسما
لا وكمان يا محمد مرنا قالتلى انها لما دخلت الاوضه فجأه لقت مروان لسا عندها والبنت وشها أحمر ومكسوفه وصوتها مش طالع تفتكر يا محمد حصل بينهم حاجه…..
محمد : أكيد فى حاجه انا حسيت كدا لما كنا فى المستشفى بس انتى ازاى عايزا نسيب ابنك مع سما لوحدهم كدا احنا ناس مش أمينه على البنت ….
روقيه : ما تقولش كدا ابنك لا يمكن ها يعمل حاجه تضرها انت عارفه وكمان انا عايزا أقرب المسافات بينهم انا حبيت البنت دى وحاسها كويسه
محمد : دا نفس احساسى واتمنيت انها تكون مراته وام ولاده
روقيه : يارب
*******
أشرقت شمس يوم جديد على ابطالنا
عبد العزيز : همى شويه يا فتحيه اعملى ولايمه تليق بينا وشرفينا
فتحيه : عنيا ياحج بقولك اوعى تخليهم يسافرو فى نفس اليوم
عبد العزيز ؛ وربنا ما يحصل ابدا
فتحيه : يازينب صحى فاطمه وتعالو هنا ياله
زينب : حاضر ياأما حالا
***********
محمد : جاهزين كلكو
مازن ومرنا وروقيه ايوا جاهزين
محمد : مروان عمال التنضيف جاين ينضفو الفيلا انهارده خلى بالك بقى يا حبيبى وتابع سما مش تسيبها لوحدها
مروان : اى أوامر تانيه
محمد : تسلم يا حبيبى
وغادرو جميعا الفيلا الى العزبه
مروان : يا مسهل يارب
*********
لولو : ماما يا ماما
كريمه : فى ايه يالولو جايه بزعابيبك ليه يا بنتى
لولو : انا بزعابيب يا ست ماما ما علينا قابلت حازم ابن عمى وبيسألنى على سما وبيقولى هى فين
كريمه : قولتيلو ايه
لولو : قولتلو معرفش
كريمه : شاطوره يالولو
لولو : ايوا دلوقتى بقيت شاطوره الناس نفوسها مش سليمه
كريمه : هى مين الا مش سليمه يا بنت عبد العزيز وبتجرى وراها تضربها
لولو : خلاص يا كرمله انتى دمك حامى كدا ليه
كريمه : ها تشلينى
لولو : انا دا أنا أطيب واحده فى بناتك يا كركر
كريمه : صحيح ما بيشكر فى نفسه الا إبليس
لولو : مين بلابيس دا يا كركر
كريمه : غورى يا بت غورى
*********
مروان أهلا أتفضلو ها تشتغلو على طول
عم عبده : ايوا يا بيه ها نعمل الاوض وبعدين ننزل نعمل تحت مروان طيب ادينى 10 دقايق بس الاول
مروان : طلع فوف وخبط على اوضة سما سما سما
سما بنوم ادخل
مروان : دخل لقاااه نايمه خالص قرب منها وقعد على السرير وشال الشعر من عى وشها وبيلمس وشها برقه
سما سما أصحى عشان عمال التنضيف طالعين هنا
سما ولا حياة لمن تنادى
مروان نفسى أكلك وانتى كدا يا سما ها تجننينى
وقاام من مكانه خرج برا وقفل على سما
$$$$$$$$$$$$$$$/
بقلم : لبنى طارق
$$$$$$$$$$/ $$$$$
الحلقه 14
********
مروان : نزل لعم عبده والعمال الا معاه بص ياعم عبده انتى ها تعمل الدور التانى كله ماعدا اوضتى محدش يقرب منها ماشى …..
عم عبده : ليه يا مروان بيه مش بيعجبك تنضيفنا
مروان : لا يا راجل يا طيب بس هى نضيفه وانا مش عايز حد يدخلها
انصاع …..عم عبده لأوامر مروان والتحذيرات من دخول الغرقه وبدئو فى شغلهم بكل ضمير…..
وقف ….مروان…… فى المطبخ يعمل له فنجان القهوه الصابحى الذى لا غنى عنه وبعد ذلك خرج بالجنينه يفكر فى تلك العنيده والمتهوره من وجهة نظره هل فعلا سأتحمل كثيرا لما لا فهى مختلفه وبريئه لا يهمها شئ سوى كرامتها وحبها للاخرين عكس ما كنت
فلاش باااك
*******&***
شيماء : مروان انا حامل
مروان : انتى بتهزرى صح
شيماء : هو الكلام دا فى هزار
مروان : احنا اتفقنا مفيش أطفال غير بعد ما نستقر مع بعض حصل
شيماء : ايوا حصل بس دا مش بأيدى والله غلطه
مروان : ايه المطلوب منى بعد الا هببتيه دا
شيماء : تعلن جوازنا واروح أعيش معاكو فى الفيلا وسط أهلك
مروان : دا انتى مصممه
شيماء : عايزا أكون معاك بتوحشنى ونفسى ابقى فى حضنك على طول
مروان : طيب سيبينى دلوقتى ظل يفكر فهو لا يريد انا يخسرها فا هى تعنى له الكثير ولا يوجد مخرج امامه سوى أعلان الزواج لانه لن يخسر ابنه مهما كانت الظروف وبالفعل توجه مروان الى البيت حتى يفاتح والده ووالدته فى ذلك الأمر المصيرى…..
مروان : بابا أنت وماما كنت عايز اتكلم معاكو فى موضوع
محمد : تعالى يا حبيبى خير يا مروان
مروان : انا بصراحه متجوز ومراتى حامل
محمد…. وروقيه …..فى صدمه تامه من ذلك المتهور
روقيه : انتى بتقول ايه يا مروان
مروان : ماما انا بقولكم عشان لازم اتجوزها رسمى ونعلن الجواز عشان فى طفل فى الموضوع
محمد : وعشان الطفل دا جيت تصارحنا صح
مروان : بصراحه ايوا ماكنش فى حسابتى خالص
محمد : بصوت عالى كان فى حسابتك انت وهى ايه هاااه يا مروان ماخفتش من ربنا ما خفتش على اختك وانت بتعمل عملتك دى …..
مروان : يا بابا انا ملمستهاش غير لما اتجوزنا
محمد : جواز ايه أكيد عرفى هو دا جواز والا ضحك على الدقون يا حضرة الظابط عيب لما أنت تغلط الغلطه دى عيب
مروان : والله ياباب انا كنت مأجل الجواز شويه لما ابنى مستقبلى وابقى حاجه تفتخر بيها بس احنا الاتنين أستعجلنا شويه انا أسف
محمد : ايه المطلوب منى
مروان : نعلن جوازنا وحضرتك انت ماما توافقو تقعد معاكو هنا مأقتا بس لحد ما تولد
محمد : أنت بتجبرنى على واحده من قبل ما أشوفها مش عايزها لأبنى
مروان : شيماء بتحبنى وأكيد انت يهمك سعادتى
روقيه : انت كسرت فرحتنا بيك
مروان : انا أسف لو مش عايزنها هنا مفيش مشكله بعد أذنكم
محمد : أستنى يا ولد انت بتقرر مع نفسك كل حاجه انا مطر أقبل عشان شكلنا قدام الناس انتى أجبرتنى يا مروان وأفتكر دا وسابه ومشى فاق مروان من شروده وافتكر سما الا ممكن تخرج من الغرفه فى أى لحظه وطلع على فوق
************
فتحيه : ايه الاخبار ياحج
عبد العزيز : هما فى الطريق يا فتحيه قدامهم ساعه على ما يوصلو بالسلامه
******
رجائى : قاعد فى شقته لوحده وبيفكر لو كان ابوه وأمه عايشين كان ها يبقى حاله كدا…… ملوش أخوات …..ملوش حد …..يقف جمبه….. حتى أعمامه ……محدش بيسأل ولا يهتم وخالتو الوحيده الا بتحبو وكانت قريبه منه مسافره مع جوزها ……
ياااه …..يا أميره لو تيجى تملى عليا البيت دا كله عيال ونبقى عيله تجنن….. واتخلص من شعور الوحده دا يارب وفقنى …..انا بعدت عن أى غلط مع أى وحده عشان تباركلى فى الا ها تكون مراتى ……وام عيالى محتاج بس رضاك وبركتك فى حياتى يارب
*******
معتز : صباح الخير يا اسماعيل
اسماعيل : صباح الخير يا معتز باشا
معتز : بابا صحى
اسماعيل : من بدى وفطرته وعطاته الدوا بتاعه
معتز : طيب خلى بالك منه وماتنساش الدوا بتاعه تانى
اسماعيل : حاضر يا معتز بيه انا حضرتلك فطارك وقهوتك لما تخلص فطار
معتز ؛ تسلم يا اسماعيل انا جاى أفطر خرج معتز وقعد على السفره وبيفطر والباب بيخبط قام فتح الباب….
معتز : اتفضلى يا طنط زوزو
زوزو : عامل ايه يا معتز وبابك فين
معتز : بابا لسا ما كملش
أحمد : أهلا يا زوزو اتفضلى ولد وسع من على الباب عيب كدا
معتز : انا لسا بقول لها اتفضلى
زوزو : ايوا فعلا يا أحمد لسا بيقولى اتفضلى ودخلت وقعدت وأحمد قعد جمبها
أحمد : منورنا يا زوزتى
معتز : زوزتك ازاى يعنى
أحمد : أنت مالك ايه الا يدخلك بين اتنين مخطوبين
معتز : 
ما ايه مخطوبين امتى دا ان شاء الله
أحمد : روح يا حبيبى أعمل لنا اتنين عصير لمون
معتز : اه واجيب شجارتين معاهم وعصفورين خنريا يعملولك زقزقة التنين 
احمد : أمشى يا ولد من هنا خنريا فى عينك وتنين أما يلهفك خلينى أقعد مع خطبتى
معتز : مشى من قدامهم قبل ما يجيلو جنان جايبلى واحده ميته مرتين ومتخرجه من الدنيا وعايز يتجوزها بلا نيلا يا راجل جوز ابنك الا عنس الاول اه ياما فينك تشوفى جوزك والا عامله فيا
والله الواد دا صعبان عليا
*********
مروان خبط على سما لا رد دخل عليها لاقاها زى ما هى نايمه قفل ونزل تانى عمال التنضيف خلصو فوق وتحت ومشيو والجناينى بيظبط الجنينه ويرشها
********
عبد العزيز : يا مرحب يا أخويا وسلمو جميعا على بعض بود وترحاب
مازن ؛ بهمس لفاطمه وحشتينى
فاطمه : بنفس الهمس وأنت كمان
روقيه : تعالى فى حضنى يا فاطمه
فاطمه : بس كدا يا ماما روقيه انتى تأمرى
محمد : عبد العزيز امال فين قاسم
محمود : معلش يا عمى احنا شغالين فى الحصاد وهو لازم يشتغل مع الفلاحين بنفسه
محمد : ربنا يديه الصحه والعافيه
عبد العزيز ؛ الاوض جاهزه أطلعو ريحو شويه على ما الغدا يجهز
محمد : لا احنا ها نسافر فى نفس اليوم مفيهاش راحه
عبد العزيز : والله ما يحصل أبدا يا أحمد أنت بتقلل منى والا ايه
محمد : ما تقولش كدا يا عبد العزيز أنت عارف الهم التقيل الا ورنا مش ها ينفع احنا الاتنين نسيب الشريكات كدا
فتحيه : ما تزعلوش يا أبو مازن أنت عارف هو بيحبك اد ايه خليكو يومين اتنين وسافرو
محمد : والله ما ينفع وعشان ما تزعلش بكرا اسافر مرضى كدا ياعبد العزيز
عبد العزيز : براحتك يا أخويا
*********
مروان : قلق معقول كل دا نايمه احنا بقينا بعد الضهر وهى بتصحى بدرى…..
طلع خبط على الاوضه مفيش رد دخل لقى السرير فاضى قفل الباب وبيدور عليها بعينه جوا الاوضه ومره واحده خرجت سما من الحمام بعد ما خدت شاور وافتكرت انها نسيت تاخد ملابسها معاها الحمام فا لفت الفوطه عليها
مروان واقف مش مستوعب نفسه ولا قادر يتحرك وهى بمنظر مغرى جدا …… والميه زادات من جمالها أكتر
سما : شافته شهقت بصوت عالى ولسا بتدخل تانى الحمام بسرعه مروان مسكها….
سما : سبنى يا مروان عيب كدا
مروان : وهو مسلوب الاراده قدامها وشايف قدامه أجمل وأرق واحده انتى بتستخبى منى ليه خايفه انا مش ها أعمل فيكى حاجه يا سما ….
سما : مروان عشان خاطرى سبنى عيب وضعنا ومنظرى كدا
مروان : ماله منظرك أنتى أحلى واحده شوفتها فى حياتى منظرك دا أنا بس الا أشوفه فاهمه …..
سما : لا مش فاهمه انت مش من حقك أصلا
مروان : أسكتى تعالى وشدها من على باب الحمام وقعدها على السرير ومسك الفوطه وبينشف شعرها مروان كدا أحلى بدال ما أنتى سايبه كله مايه ……
سما : طيب أخرج عشان البس
مروان : بشرط
سما : ايه
مروان : بأبتسامه خبيثه بوسه وحضن والا أنسى إنى أخرج
سما : أنتى قليل الادب
مروان : عارف
سما : ومستفز واطلع برا يا إما انا الا ها أطلع
مروان : عارف ومش ها أطلع الا لما تنفذى الشرط
سما : شدت هدومها من على السرير وواخدهم وطالعه مروان واقف قدام الباب مفيش خروج ريحى نفسك انتى خلاص جننتينى فا أتحملى بقا وشدها عليه وخدها فى حضنه ليه مش قادره تصدقى انى مش قادر ابعد عنك يا عنيده انتى بتجذبينى بتخلينى فى دنيا جميله مش عايز أفوق منها سما خلاص أستسلمت هى مين قدام الوحش بنظراته وكلامه الا بتنسى دنيتها وبتعيش فى دنيته هو يااااه يا مروان انتى ليه بتعيشنى فى وهم انا مش عارفه اخرته ايه
مروان بيلم شعرها بأيده وما سك خدها انتى بيبقى شكلك اجمل بكتير وانتى مكسوفه كدا ونسى الدنيا بين شافيفها الا بتسكره مروان بعد عنها لما لقى جسمها كله مرخى فى ايده
مروان سما سما فوقى ….
سما …….
مروان : شال سما بعد ما أغمى عليها وهى بين ايداه وفضل يفوق فيها لحد ما فاقت
سما بشهقه وعياط مروان عشان خاطرى سبنى فى حالى انا مش قدك وبتغطى نفسها وبتدار منه ….. مش ها أستحمل يا مروان لو اتغيرت من ناحيتى والا سبتنى فى يوم من الايام فا سبنى من دلوقتى …..
مروان : خدها فى حضنه والله يا سما ما ها أسيبك انا فعلا حبيتك ومش قادر أستغنى عنك وانتى فى المستشفى انا كنت كل يوم عندك بتأسف وبعتذرلك وبحب فيكى انتى مش متخيله حالتى عامله ازاى من غيرك ما تتخيلش لما سافرتى وقولتى انك ها تتخطبى انتى قتلتينى بالحياه دمرتى كل أمل عندى او باب لقلبى يقدر يخرج للنور ويدق من تانى بعد عذابه ارحمنى وارحمى نفسك وسيبينا نعيش حياتنا واوعدك ها أحافظ عليكى وأشيالك بين رموش عنيا …..
سما : بجد يا مروان
مروان : بجد يا عقل مروان يا قلبه ونبضه
سما : طب أخرج برا
مروان : ما كنا حلوين
سما : ببسمه طيرت عقله ياله برا بقى عشان البس
مروان : خارج صبرنى يارب البسى وانزلى عشان تفطرى
سما : حاضر
********
حسام: فى الشركه مؤمن احنا محتاجين خشب اد ايه تانى
مؤمن : حاليا مش محتاجين فى الدفعه التانيه ها نحتاج اد الا موجود حاليا يا حسام بيه
حسام ؛ طيب ممكن تجبلى ورق طلبيه الخشب
مؤمن : بس أحمد بيه قالى
حسام : قاطعه بقولك جبلى الورق
مؤمن : حاضر
حسام : قاعد على مكتبه وبيدرس ميزانيه الخشب والخامات المطلوبه لصناعه الاثاث وبيغير تمن كل حاجه عشان يعرف يغتلس الفلوس الا عايزها
*******
عبد العزيز : كريمه كلمتى سما
كريمه : ايوا كويسه الحمد لله صوتها أحسن
عبد العزيز : بكرا لو فاضى نروح لها ان شاء الله
لولو : أروح معاكووووو
كريمه : انتى تسكتى خالص
لولو : خلاص بقى يا كركر مش بوستك وخلصنا
كريمه : يا بت اتكلمى بأدب
لولو : حاضر يا كركر خدونى بقى مروان وحشنى
كريمه : وحش اما يلهفك يا بت اتكسفى
لولو : اتكسف من ايه دا مروان اخويا الكبير هو قالى كدا
عبد العزيز : هههههههههه ما تركزيش معاها يا كريمه ها تنقطك
لولو : دا أنا بنتك يا زيزو ومحدش يقدر عليا وخصوصا كركر
#######$$##
بقلم : لبنى طارق
$$$$$$$$$$$$$$$
يا ترى مروان وسما ها يكملو ؟؟؟
وحسام حد ها يكشف خيانته لمحمد القاسم ؟؟؟ ولو اتكشفت مين الا ها يكشفها ؟؟؟
